About

Sa Pilipinas ay maraming paniniwala at kaugalian, alamat, kasabihan at mga kwentong bayan. Ang mga ito ay namana ng mga pilipino sa mga kauna-unahang ninuno. May malaking impluwensya ang mga Kastila sa pamumuhay ng mga Pilipino, dahil sila ang pinakamatagal na sumakop sa bansa, na mahigit sa tatlong daang taon. Isa ang relihiyon sa kanilang ipinakilala sa bansa. Namamampalataya ang mga tao sa relihiyong Katoliko, pero marami pa rin ang naniniwala sa mga kwentong mitolohiya, mahika, kasabihan o itim na kapangyarihan.

Ang mga Pilipino ay naniniwalang ito ay nangyayari hanggang sa kasalukuyan, at isinasagawa ng mga taong may kaalaman dito. Ang mga tao ay naniniwala na may iba pang nakatira sa mundo na hindi nakikita ng pangkaraniwang tao.

Karamihan ay nainiwala sa mga di pang karaniwang nilalang katulad ng Aswang, Manananggal, Kapre, Dwende, Sirena, Syokoy, Engkanto, Sigbin, Tikbalang at marami pang iba, lalo na sa mga liblib na lugar ng bansa. Ang mga ito ay ilan lang sa mga halimbawa na minsan ay nakakatulong sa mga tao sa ibang paraan.

Ating alamin kung ano, paano nila isianagawa at ginagamit ang kanilang kapangyarihan. Ito ba ay makakatulong sa ating pamumuhay? Dito nangalap kami ng impormasyon tungkol sa mga di pang karaniwang nilalang, kung paano nila ito isinasagawa at paano natin maiiwasan.

Tayo nang bigyan ng panahon at tingan ang mga sumusunod na tema na maaaring naging inyong karanasan.

www.000webhost.com